ارحــــــــبو يــــــــــــالله حيـــــــــــهم أقلطــــــــــو فيــــــــذا
[IMG]
اهلا وسهلا بك عزيز الضيف في :+:{منتديات رفيده}:+: نتمنى لك الاستفاده بصحبتنا
والاستمتاع اذا رادت التسجيل والانظمام لينا اتفضل بالضغط على زر التسجيل اسفل هذه الرساله
تحياتنا وتقديرنا
:+:{أداره رفيده}:+:

ارحــــــــبو يــــــــــــالله حيـــــــــــهم أقلطــــــــــو فيــــــــذا



 
الرئيسيةس .و .جالتسجيلدخولخروج
فضلآ ,,, لا تشوه المكــــــــــان ولا تسكب حبرآ أسود على رأي غيرك فلتكن لك لمسه جميلة  ومروررررررر عذب ,, احترم جهد الأخرين ولا ترد على مواضيعهــم بسىء أو بذيء ,, ولا تـــرد عليهم بنقاط  أو علامـــات تكون كالمساميـــر في قلوبهم الطيبة ,, ليس خطأ أن لا تملك التعليق على كل موضوع ,, ولكن الخطأ  أن تجر هذا الموضوع إلى طريق لم ترد انت المشي فيه أو أن تلف حول عنقه حبل ردودك السيئة فــــتخــنقــه
اعضاء ابدعت فستحقت الشكر

المتواجدون الآن ؟
ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 33 بتاريخ الأربعاء أكتوبر 06, 2010 7:30 am
دعاء عند دخول المنتدى
اللـــــــــــــهم من أرادنا بسوء
 من الـــــجن والانـــس فارددهم
في انتكاس وقلوبـــــــــــهم في
 وسواس وأيديـــــهم في إفلاس
 وأوبقهم من الرجـــــــــل إلى
 الـــــرأس بمائة ألف ألف ألف
لاحـــــــــــــــــــــــــول ولا قوة
 إلا بالله الــــــــــــــعلي العظيم.
اللــــــــــهم بتلألؤ نور عرشك
 من عدونا استترنــــــا وبسطوة
 الجبروت مــــــــــــــمن يكيدنا
اســــــــــــتجرنا وبإعزازعزتك
من كل شيـــــطانٍ رجيمٍ استعذنا
.وبمكنونسر الله من كل هم وغم
وضر وكرب وحادث وظالم وجار
 سوء تحصنا.وبسمو رفعتك ممن
 يطلـــــــــــــــبنا بسوء استجرنا
يالله     ياالله     ياالله     ياالله.



بحـث
 
 

نتائج البحث
 
Rechercher بحث متقدم
برااااامج تهمني
 

 

 

 

 

  

 

 

 

 

 

 
لخدمة أسرع
Share |
سحابة الكلمات الدلالية

شاطر | 
 

 زواج أهل مكه زمان وايام الفرح وعددها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
:{كريمة العطار}:
+:{من سيدات المنتدى}:+
+:{من سيدات المنتدى}:+
avatar


مُساهمةموضوع: زواج أهل مكه زمان وايام الفرح وعددها   الثلاثاء ديسمبر 08, 2009 3:44 pm


[size=12]حبيت اليوم افرفشكم شوية بحكاية افراح اهل اول


يعني باختصار دا الموضوع راح اتكلم فيلو عن فرح ستي و



والله يا جماعة انا نفسي نعمل بدا الموضوع مقارنة بين افراح زمان وافراح دحين


وبصراحة الكم الشغلة اللي قدرت اجمعها كانت مرة عاجبتني وحاسة انها انقرضت وماراح ترجع غير بقدرة قادر

فحبيت انقلكم لأجواء نسترجع فيها مع اهلنا زكريات حلوة عن الأفراح

والله يعمر بيننا الأفراح ويخليها دايما في حياتنا عامرة ودايمة



يللا بدينا بحاجة اسمها يوم قطع الستارة


قطع الستارة



قبل الفرح بسبعة أيام كان في يوم اسمو قطع الستارة

والستارة هادي كانوا يستأجروها مطرزة بالترتر والكنتيل

وهادي ينصبوها وتجلس وراها العروصة

وبعدين يمسكوا العروصة بعدما يجروا وراها من مكان لمكان الين يمسكوها ويحطوها ورا هادي الستارة, وتجلس العروصة فيها فوق طوراحة مشتغلة وخداديات مشتغلة ومطرزة ولايقة باسم عروصته

وخلال دي السبعة الأيام يكونوا اهلها وحبايبها داخلين نادرين عليها بالأكل عشان تتغزى الين ما تصير خدودها زي التفاحة


من كفتة ومسلوقة , لبيض مسلوق , وفاكهة وعصيرات أشكال والوان ومن دي الحاجات اللي ربنا يقدرهم عليها

وكمان أهلها وقرايبها اللي حضروا قطع الستارة كل وحدة تشتغل الشغلانة اللي ربنا يقدرها عليها

مافي وحدة تقعد فاضية ولا تتمنظر لاء

منهم مين تدق ومنهم اللي تقصللها ومنهم اللي تحنيها ومنهم اللي تطبخ وتباشر الضيوف الموجودين, ومنهم اللي يستعدوا بترتيب نصبة الشاهي واللي تكوي الملابس وترتبها في الشنط حقت العروصة عشان لمن يودوها يدبشوها على بيت العريس



ومنهم اللي تهتم ببشرة العروصة : كانوا يحطولها النشا بماء الورد على وشها , وكمان في حقت الدقيق حق الشرابات والفخاريات كانوا يطحنوه ويحطوه على وشها بعد ما يعجنوه بالموية و عليها بالمشقرة <<<حركات يا اهل اول والله مو زي دحين الله يخلي الكوفيرات والمقينات

وأصلا اهل اول في دي الايام السبعة ما يتكلفوا داك الشي

كان يجيهم الخير من الأهل والجيران خلال دي الأيام

بس اللهم الطباخ اللي يجلس عندهم هادا الأسبوع يطبخ بكل اللي يرسلوه الحبايب من دبايح واكياس رز حاجات من دا اللي يتسوا في الافراح والولايم



وكانت العروصة ما تبان وهيا ورا الستارة مايسير احد يشوفها الا وهيا متلتمة

مايبان منها غير عيونها !!! تعرفوا ليش؟؟؟ علشان لا تروح طلعتها وكمان من باب انو محد يشوفها الين ما يجي عريسها يوم النصة ويكون اول واحد داك اليوم يشوفها

النصــــــــــــــة

ولمن تتنص العروصة على عريسها كان مرة عيب عليها انها تفتح عينها وتطالع في أحد ان كان ستا ت ولا حتى ان كان العريس لا بعدين يقولوا عليها جريئة ووقحة وما تستحي ومن دا الكلام

<<< تعالوا اسمعوا يا بنات اليوم فين الحيا بس ؟؟؟


وكمان كانت في حركة حلوة يسووها اهل اول وهيا انهم لمن تتنص العروصة ينصوا معاها وحدة بنت صغيرة لابسة زيها بالظبط بس على مصغر

يشرعوها كمان زي ما يشرعوا للعروصة ويسوولها حركات زي حقت العروصة


دي الحركة ساروا بيرجعولها كتير من اهل دحين


العريس كان اول ما يشوف عروصتو في ديك الليلة يسلم عليها ويحط يدو على راصها ويقرا الفاتحة بنية ان الله يهديها له وتكون زوجته زوجة مطيعة وصالحة

كانت الزفات مافي غير الصلواتية , وفي اللعابات اللي مشهورين كل وحدة بزفتها


كانت العروصة لمن تروح لبيت العريس قبل لا تخطي عتبة الدار ( دار العريس ) يكونوا طبعن اهل العريس بالّين عقد لولو في موية ويقوم العريس بسلامتو ياخد هادي الموية ويصبها على رجلها بالبركة

من باب التفاؤل عشان يكون قدومها _ لمن تدخل على البيت _ يعني انو رجلها باردة على البيت.. ومن دا الكلام


[size=21]الصبحــــــــــــــــة


الصبحة : هي تاني يوم بعد الدخلة ويسوّوها بيت العريس

في الصبح تقوم العروصة تتشرع وتنزل وتصبّح على أبوه _ أبو جوزها _ وتصبح على أهلو ويقدموا التصبيحة للعروصة

وتكون التصبيحة مقدّمة من أبوه وأمه وأخواته وكل مين يحب انو يشارك أو انو يكون لهم جميلة عليها....

وكمان بيت اهل العروصة يكونوا مستعدين من قبل بتصبيحة لأبو العريس وأخوان العريس وممكن عمو وخيلانو .. يعني اللي يقدم تصبيحة للعروصة من أهلو كمان يقدمولو اهلها تصبيحة......

التصبيحة حقت اهل العريس للعروصة عبارة عن دهب أو الماس _ حسب حالتهم المادية او اللي ربنا يقدرهم عليه _ ومجوهرات وعطورات وبخورات ووووو

التصبيحة حقت أهل العروصة لأهل العريس عبارة عن بقش كل بقشة فيها قطعة توب مصلح وسروال مشتغل وكفية وغترة وبعضهم يحطوا مشلح ومنديل _ على حسب مستوى العيلة _
وفي اليل أهل العريس يستعدوا لضيوفهم عشين يشوفوا عروصتهم الجديدة

وتتسمى هادي الليلة كمان بليلة أهل العريس




بعد الفرح


العروصة كانت بعد الفرح ما يسير تخرج من بيت زوجها ولا تسوي زيارات قبل ما خلص سنة من زواجها

عيب انها تخرج قبل السنة لحد انو بعض الأحيان ما تخرج إلا وبزورتها في ايدها !!!

وأول بيت تتعزم فيلو العروصة بعد هادي السنة لازم يسوولها عزيمة مرتبة ولا على قد خرجتها بعد السنة

ودي العزيمة كانت تتسمى بداية
البداية هي اول عزيمة تروحها العروصة بعد ما تخرج من بيت زوجها لمن تتزوج



قراية الفاتحة والملكة

يعني ازا الولد كبر وصار راجل يعتمد عليه على طول يحاولوا يسعولو في الجواز
وحتى البنت متى ما ادركت وفزت وصارت ست بيت يجوزوها

المهم الاب يحاول يتزكر كل الاقارب والاصحاب والاحباب اللي عندو بنت على وش جواز يسير يدي اهلها خبر
او يكلم العمدة يسير يطبخو الهرجة سوا

وازا صار النصيب وتمم الله على خير يجتمع الاب واقارب الولد وابو العروسة واقاربها وينزلو للحرم ويملكو ويشربوا الزمزم
بنية التوفيق وبعدين يرجعو للبيت ويسوولهم عشوة خفيفة
وازا سوو الملكة في البيت يجتمعوا بعد قراية الفاتحة ويوزعوحلاوة الملكة وشربيت ( عصير ) غالبا يكون توت او مشكل
يجيبو حلاوة لومنية لوزية بتاسة عسلية واحيانا يقدمو لدو لبنية ويجيبو شريك او كعك سحيرة منو حلاوة ملكة ومنو
عشوة او تلبيبة قبل العشا وقبل الشغل التقيل

وحلاوة الملكة كل بيت يتفنن في تزينها ناس تسويلها شرايط دنتيلة وناس تسويلها كرانيش وناس تخيطها بخيوط حرير
زي الطربوش يعني كل واحد يزين على قد ما يقدر

وفي كمانة علبة المهر اللي يقدموه لأهل الحرمة علبة خشب قد المصحف تتلف بقماش مطرز وينحط جوتها المهر ( ناس تكتكة )
بدل مابقدموه في يدهم زي كأنهم بيدوهم صدقة والا شحتة
وشوفو كيف سبحان الله اتغيرت الدنيا والحلاويات صارت اشكال وألوان في الرخيص وفي الغالي والفاااحش في السعر
وسارت الشغلة كلها منظرة وفشخرة يالطييييف
مع انو حلاوة الملكة زي الرمز تعبير عن الفرح ويسير الناس تدري
والله فلان شبك فلانة

المهم شويتين كدة يجي الجسيس كمانة ويجس هديك المجسات اللي تقشعر البدن وتحرك القلب وخدو ترديدات واهاااااات شي رجج
وبعدها يسوي موشحات وابتهالات ودعوات للعريس والعروسة
وتسمعو الحرايم من ورا الرواشين والخارجة يغطرفو والبنات الصوغار اللي مايعرفو يغطرفو يصرخو ويزعقو يايعني هههههه
علامة على الفرح والترحيب بقدوم العريس لبيت العروسة
في موكب كبير يضم العريس وابوه واخوانه واعمامو وخيلانو يعني جماعتو يمشو علين قبل لايوصلو لبيت العروسة
يوقفوا على جمب ويمشو زي الطابور ويجيبو الاتاريك المزينة بالسلاسل والخلاخيل
والمعاشر والبواخر اللي فيها الحلاوة والفوفل واللومنية حلاوة النعناع والهيل والقرنفل وسكر النبات والكولونيا الليمون
وغير كدة المباخر اللي تعبك منها ريحة العودة الاصلية
واللي يشيل الحاجات هادي الاقارب والجيران مو زي دحين يجيبو تكارنة وهنود وعمال قال ايش يستحو يشيلو الاتاريك والمعاشر والبواخر
وهادا سبب انو زي هادي الحاجات بدأت تنقرض وتقل مو زي ماكانت زماااااان






تحضيرات الزواج

مثلا بيت فلان عرفنا انو ولدو اتجوز او بنتو
تلاقو أهل الحارة كلهم زي الاهلية مافي واحد بينهم قليل خاتمة وقصيف مروة كلهم اهل واجب وتكميل وفزييييعة على قد مايقدرهم الله
ويجو لابو العريس ويقولو هادا مفتاح البيت والمقعد ( الغرفة اللي جمب الدهليز في الدور الأرضي
يستقبلوا فيها الاوادم والضيوف اللي يجو على غفلة وبدون موعد ) تحت يدك والتاني يجي ويقله السطوح تحت امرك يا والتالت يقولو هادا مفتاح الحوش حط فيه الرفودة زي الطليان
وولدكم ولدنا وبنتكم بنتنا وفرحنا واحد مو زي دحين كل مين نفسي نفسي لو الجار يبغى البيت يقله والله معليش
الكهربا عندي ضعيفة ما تتحمل والا مني فاضي المهم يصرف الجار على اهون سبب
والجواز يا يسووه عند العريس او بيت العروسة
على حسب صغر وكبر البيت
وعلى حسب تواجد الاهلية يعني يشوفوا الاكترية فين ويسووه جمبهم يسير يريحوهم من ضرب المشاوير.ولو فرضنا ماكفى البيت ازا في ارض والاحوش جمبهم يزبطوه كمانة زي الملحق يسير يستقبلو فيه بقية المعازيم

والحريم والناس الفزيعة تبات عند اهل العروسة او العريس وبعضهم يجيب حوايج معاه للكم اليوم حقت الفزعة مو خلو بالكم الفرح احيانا تلاتة ايام لأسبوع وهما يجهزو ويعبو
واهل العريس يعلقو اللمبات من بدري يسير الناس كلها تاخد بالها إنو بيت فلان عندهم جواز أو ملكة
المهم تترش الارضية من الضحى بالموية حتى التراب يهجد وما يطير مع الغبرة
ويفرشو الجلايل على الارض ويحطو التيازير على الجدران ويمدو اللمبات في الحارة كلها تسير منورة زي الضهر تبارك الرحمن



الرفد

نوع من الهدية او المساعدة يقدموه الناس والجيران واالاحباب للعريس يسير يعاونوه ويشيلو يد معاه

وتلاقي الناس تقدم الرفد للعريس اللي يجيب فلوسواللي يجيب ارزاق واللي يجيب طليان واللي يجيب مقاضي واللي يجيب ملابس
ماشاء الله الناس كلها تجيب علين من كترت العوايز والرفودة يحطوها في الحوش في بيت من بيوت الجيران يسير يستعملها العريس
علين تغلق من جد كانوا رجااااااال يساعدو كل واحد ينوي الجواز ويهمهم يسترو الشباب والبنات والله لو استمر احوال زمان في هادي الايام كان مابقي لاعانس ولا عانسة في البيوت وكلو توفيق بأمر الله ومايشيلو هم شي كل مين يفزع للتاني من غير مقابل كلهم يدورو الاجر من الله عز وجل وعلى قولة سوي طيب وارمي في البحر واللي يقدم السبت يلاقي الاحد




الغمرة او ليلة الحنا

وزي ماقالت ستنا بنت الريع ( قطع الستارة )
وهادي الشغلات تسير قبل الفرح بأسبوع من ضمن حاجات الغمرة

هادي خاصة بالحريم
قبل الجواز باسبوع يتلمو الاهلية القريبين ويمسكو العروسة ويدخلوها في البيت ويشتغلوهاجوة برا علين تندر تبرق تلمع
يحنوها ويقصقصو شعرها وينضفوها ( اسألوا انتو عن شغلات الحريم احسن بلاشي تجيبولنا جرية مع الصبح )
وماشاء الله بنت الريع ادتكم الزبدة الله يديها العافية
طبعا اللبس حق الغمرة مالو نوع معين بس اللبس الهندي او البنجابي كان منتشر ويغطو وجه الحرمة علشان لاتروح طلعتها علين يوم الجواز
ويتحنو الاهلية وازا زادت حنا يقرطسوها ويوزعوها للموجودين وبعدها تبدأ الغطرفة والطنقرة والاغاني
وبعدين يتعشو ويسموها العشوة بالتعتيمة ( شريك او كعك جبن بلدي زيتون امبة حلاوة مخلل قرن فلفل نص ليمون فحل بصل
ههههههههههه )

طبعا كل مين لو حركات وطقوس وعادات وتباتيك للغمرة منها مسلا يجيبو تفاحة ويشقروها ويحطو جوتها ريال فضة
ويعلقوها زي السلسة في رقبة العروسة
[
وخداديات مشتغله

عارفين الخدادية الاهيا المخدة دحين أول اسمها كان مجعرم شويتين
بس كانت الخدادية من القطن والنوع المزبوط مخلوطة بريش الطيور وتلاقوها نااااااااعمة ولينة زي خدود البنات
ومن هنا يقولوا جاء الاسم خديات ( خدود البنات )



ومنهم من يستعد بنصبه الشاهي

نصبة الشاهي هو المكان اللي يسوو فيه الشاهي
والنصبة دولاب خشب مكنكن مزخرف منقرش اشكاااال وألوان ينحط جوتو فناجين الشاهي والبراريد والتلقيمة وجمبهم السموار وفيلو الموية الفايرة
يعني بالم نشرح زي القهوجي اللي عند الرجال



القهوجي

طبعا معروف هو اللي يهتم بالمشروبات شاهي بانواعه وغير القهوة كمانة يجي بالعدة حقتو براريد وفناجين وبنت المنقل ( الكانون )
كيس فحم كمان شاهي الفحم لاتدل عدوك عليه وبعدين جات الطباخات والدوافير بس عيبها تسوي هباب على القدور والبراريد يقوموا يودوها للنحاس يجدد ايمانها ويلمعها علين ترجع تزبق وتبرق

المهم ييزهموا القهوجي من العصر يسير يرتبلو مكان مزبوط ويبدأ يسوي الشاهي والقهوة علين اخر الجواز وهو ماشاء الله براد رايح وبراد جي






موعد الزواج

الاغلب والمعروف في الليل من بعد العصرية يتلمو ويجتمعو الاهلية علين بعد العشا ماتجي 11 قولو 12 الا الجواز مغلق
وفي ناس كانوا يسووه قيلة في الضهر يعني غدوة على السريع
تقريبا من الضحى على الساعة 10 يجتمعو علين الضهر يصلو ويتغدو ويجلس يرقعو في الشاهي علين العصرية وكل مين على بيت وهادا النوع اللي يسموه جوازة البدو لانودايما يسوو جوازاتهم في النهار
وعاد اهل الحارة مايبغالهم عزيمة مو خلاص كل أهل الحارة زي يالأهل فما يحتاجوا يجي واحد ويقلهم تعالوا سوو وافعلو
ماشاء الله كانوا أهل واجب وتوجيب مايستنو حمدا ولا شكرا
والناس البعيدين شوية يرسلولهم كروت الجواز وكانت اوراق تنكتب باليد يشوفو احسن واحد في الكتاب خطو حلو وغالبا يكون البرنجي ويتولى الشغلة بكبرها
مو زي دحين الكروت اشكال وألوان وفي كروت توصل لل500 ريال واكتر والمصيبة اخرتها تترمي في القمايم الله يعزكم


الجواز

طبعا التحضيرات قلناها فوق علين يتلمو المعازيم يجي وقت الاكل ويسوو قدر العربي او السليق ازا كان الجو بااارد
او زربيان والا كابلي مع السمبوسك والطرمبة شي يفتح النفس طبعا يجي الطباخ بنفسو ويجيب العدة معاه ويجلس يطبخ على الحطب والفحم وتحسو الاكل ريحتو فاااااايحة تشهون اللي ما يتشهون النفس طيبة واللقمة هنية والقلوب على بعضها

وازا زاد شوية اكل يلموه في اكياس او صحون ويعطو لجيرانهم البعيدين واللي ماقدرو يحضرو الجواز أو ينزلوه جمب الحرم يتصدقو بيه

بعد العشا يجي عاد الفرح والصهللة بالمزماااااار والبكش علين الساعة 4ونص 5 عربي زي ماتقولو الساعة 12 بتوقيتنا دحين
وعند الحريم تجي اللعابة اللي تلعب القلب
ههههه على ايامنا هادي
من لعابات زمااان سونيا احمد / دوجة المرجوجة / توحة
وغير بنات عوايل معروفين الله يستر علينا وعليهم
ياخد الادمي الحرمة وعلى البيت يلعبو شرعت


الدبش

هوالدبهرك والعفش حق العروسة يودوه لبيت المعيشة يرصو الحوايج والشغلات الباقية
طبعا اللي يروح ام العروسة اختها الكبيرة ازا عندها خالتها عمتها يعني الشغلة محسوبة حق 5او 7 او 9 حريم مو زي دحين كأنهم رايحين تمشية كل بنت تبغى تروح طيب ازا البنات كتيرين تبارك الرحمن مو حلوة تجتمعوا كلكم بربطة المعلم وتروحو
وبالزات البعيدين بنت خالتها بنت خالها ....



من تباتيك اول كانوا الحريم يقولو اللي يدعس اول واحد على رجل التاني ينشكم ومالو كلمة بعد كدة
والراجل لازم يفقع راص بسة ولو كانت عري يكون احسن يسير الحرمة تتوهور وتنفجع من جوزها


البنات اللي على وش جواز يقرصو العروصة في ركبتها او فخدها يسير يتجوزو على طووول

[/size]
[/size]
الرجوع الى أعلى الصفحة اذهب الى الأسفل
راكان
[ :+:{عضو ملكي}:+: ]
[ :+:{عضو ملكي}:+: ]
avatar

الموقع :

مُساهمةموضوع: رد: زواج أهل مكه زمان وايام الفرح وعددها   الأربعاء ديسمبر 09, 2009 2:50 am

الرجوع الى أعلى الصفحة اذهب الى الأسفل
:+:{أم صاطي}:+:
:+:{راعية الحلال}:+:
:+:{راعية الحلال}:+:



مُساهمةموضوع: رد: زواج أهل مكه زمان وايام الفرح وعددها   الإثنين ديسمبر 14, 2009 9:50 am


لا اله الا انــت سبحـانك انــى كــنت مــن الظـالمــين








[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]


الرجوع الى أعلى الصفحة اذهب الى الأسفل
http://fakta-14.withme.us
:+:{رفيـــــــــده}:+:
:+:{فدوة الغاليه}:+:
:+:{فدوة الغاليه}:+:



مُساهمةموضوع: رد: زواج أهل مكه زمان وايام الفرح وعددها   السبت فبراير 13, 2010 10:22 am


لا اله الا انــت سبحـانك انــى كــنت مــن الظـالمــين







[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]




الرجوع الى أعلى الصفحة اذهب الى الأسفل
:+:{وضــحه}:+:
+{تمون على الإداره }+
+{تمون على الإداره }+
avatar


مُساهمةموضوع: رد: زواج أهل مكه زمان وايام الفرح وعددها   الأحد فبراير 14, 2010 11:56 am


لا اله الا انــت سبحـانك انــى كــنت مــن الظـالمــين






[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
لبيت الدعوه يا لغلا
+:{كنز المنتدى}:+
+:{كنز المنتدى}:+



مُساهمةموضوع: رد: زواج أهل مكه زمان وايام الفرح وعددها   الإثنين فبراير 15, 2010 4:47 pm


لا اله الا انــت سبحـانك انــى كــنت مــن الظـالمــين






[ندعوك للتسجيل في المنتدى أو التعريف بنفسك لمعاينة هذا الرابط]



الرجوع الى أعلى الصفحة اذهب الى الأسفل
 
زواج أهل مكه زمان وايام الفرح وعددها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ارحــــــــبو يــــــــــــالله حيـــــــــــهم أقلطــــــــــو فيــــــــذا :: آلمًوٍضًٍوٍعًٍآتُِِّْ آلتُِِّْيَ ليَسٌِِّ لهٍَآ قٌٍسٌِِّمً خٌِآصٍْ-
انتقل الى: